Biblioteca Rebolo

Pois si, xa temos a biblioteca móbil en funcionamento. Se Mahoma non vai á montaña, a montaña ten que ter rodas....verdes!!!

O pasado día 21 de Maio tivo lugar no IES Isidro Parga Pondal un debate académico en torno á cuestión de se os videoxogos violentos aumentan a nosa agresividade ou non. Esta é a segunda vez que o alumnado de bacharelato deste instituto se enfronta ao do IES Urbano Lugris, de A Coruña. O debate foi realmente interesante; ambas partes presentaron os seus argumentos a favor e en contra, refutaron con contundencia e cortesía os aspectos que non lles parecían ben fundamentados e nas súas conclusións declararon que, con xogos ou sen eles, todos condenan a violencia.  A verdade, nestes tempos de tanto enfrontamento crispado entre politicos, agradécese asistir a un bo debate.

O pasado 10 de maio visitounos Víctor Tilve nunha actividade organizada polo departamento de Matemáticas. Víctor estudou matemáticas na USC e foi, xustamente durante a carreira, cando se atopou coa Astronomía ao realizar un traballo sobre astrofotografía. Tras esta experiencia, o noso poñente mudou os seus intereses cara a contaminación luminosa, ao comprobar que na súa cidade, Vigo, as estrelas non eran visibles pese a ter unhas condicións climáticas favorables. A afición de Víctor pola Astronomía foi medrando ata o punto de convertirse tamén na súa profesión. Na actualidade traballa como operador de telescopios no observatorio de Javalambre (Teruel), traballo que combina coa divulgación científica e coa investigación. Na súa visita Víctor fíxonos unha breve introdución á Astronomía, falounos dos telescopios que emprega no seu traballo (os cales sorprendentemente empregan logaritmos no seu funcionamento) e fíxonos partícipes da problemática que amosa a contaminación luminosa. ...

O novelista e ensiata, intelectual independente, incomprendide e complicado, deixa un legado regado de premios: 'El Jarama', galardonada co premio Nadal en 1955, Premio Cervantes no 2004, e Premio Nacional das Letras Españolas no 2009.  Grazas, amigo!! 

Este fin de semana celebráronse en Santiago de Compostela asIX Xornadas de Bibliotecas Escolares de Galicia que convocan a todos os centros que teñen en marcha proxectos de Bibliotecas escolares. Nós participamos porque levamos moito tempo formando parte do Plambe, plan que pretende dotar e asistir as bibliotecas escolares nas súas funcións, necesidades e potencialidades. Ademais este curso participamos tamén no proxecto piloto de lectura dixital ELBE2 e estamos arrancando ca Radio na Biblioteca, que pretende utilizar a radio feita no centro como elemento de dinamización e mellora curricular. Estamos moi entusiasmados con estes recursos e por iso as xornadas de Santiago resultáronnos moi interesantes. Uns 1000 mestres e mestras de toda Galicia achegaron as súas ideas e suxestións. Ademais, presentaranse un total de 26 experienciasde centro de moi diverso contido (funcionamento da biblioteca escolar, "hora de ler", voluntariado, biblioteca inclusiva, espazo creativo, pro...

Pois si, así de riquiñas son Iría e máis Selene.  Ademais de todas cousas que vedes na foto mandaronnos un exemplar de Antiheróes. o libro recomendado pola nosa erudita Lola Collazo, cunha dedicatoria preciosa. Hoxe sentimonos importantes! Moitas grazas!

Outra xornada de formación da man de Lola e Bea, profes multitarefa do Rosal. O profesorado do grupo da radio de Bibliotecarebolo xa está case listo para comenzar a súa viaxe polas ondas.  Por se aínda non o sabebes, empezamos xa a montar o laboratorio de gravación de radio. Está no segundo andar, fronte ao Departamento de Historia.  Máis información próximamente...

O mércores 23 de febreiro o grupo de traballo Radio na biblioteca escolar participou no primeiro obradoiro. A periodista Rocío Cadahía, de AGARESO -Asociación Galega de Reporteiros Solidarios- explicou os rudimentos máis básico para arrancar con este proxecto. Aquí tedes unhas imaxes dos primeiros pasos destas profesoras diante dun micro. Un saúdo.

Xa comezamos o club de lectura sobre Edgar Alan Poe. Na primeira reunión, indagamos na biografía do autor e reflexionamos acerca das características da literatura de terror. Nas próximas reunións analizaremos algúns relatos máis de Poe e faremos un obradoiro de escritura literaria sobre microrrelatos de terror. Se queres unirte, pásate pola biblioteca e infórmate.

Este curso, no club de lectura Alejandría, estamos a celebrar unha reunión cada venres para falar sobre o divino e o humano, para conspirar contra o aburrimento, suxerir novas actividades e novas lecturas, escoitar que len outras persoas... A nosa última idea: compartir con vós o que lemos, eses libros que nos deixan felices ou pensativos, que nos fan ver novos mundos ou distintas caras deste, eses que introducen xa para sempre novas amizades na nosa vida, novos inimigos..... Lola, de 1º ESO non ten pelos na lingua. Se queres comprobalo e saber que libro nos propón, preme na súa foto.

O que ves é un gran OLA, unha nova forma de mostrar a biblioteca que coñecías, a maneira en que se producen moitos fenómenos naturais. Onde había algo coñecido e estimado, de súpeto o paso de tempo dá lugar a novas formas que substitúen ás que había e que o tempo levou consigo. Moitos botaredes en falta a BibliotecaLandra que nos acompañou estes últimos dez anos. Moitos agradecemos o seu labor, do que algúns formamos parte. Agora chega unha nova tempada con novos froitos, coma este, que será instrumento dun novo equipo formado por novas caras, unhas máis coñecidas que outras, pero cun obxectivo común: compartir o que temos nun ambiente de afabilidade e confianza. Co nome de BibliotecaRebolo este novo equipo invítavos a formar parte unha vez máis deste mundo que se centraliza na biblioteca, con actividades, con concursos, con recitais e conferencias. Con todo o que faga falta para que a sintas preto de ti e teñas o desexo de formar parte dela. Por este motivo abrimos est...