Biblioteca Rebolo

Xa tedes na porta da nosa Biblioteca a información sobre a convocatoria da próxima reunión do Club de lectura "Vixía das letras". Anotade nas vosas axendas: luns 5 de marzo, onda sempre e no horario habitual. Aproveitaremos para poñer en común os aspectos máis salientables da lectura deste trimestre. Polos comentarios que estamos escoitando, cremos que está sendo todo un éxito. Xa sabedes que a novela de Laura Gallego tivo bastante repercusión, como demostran as traducións que dela se fixeron. Aquí tedes algunhas das portadas da novela noutras linguas. As imaxes proceden da páxina oficial da autora :

O próximo luns, 18 de decembro, terá lugar a última reunión deste ano do Club de lectura "Vixía das letras". Non faltedes porque imos escoller o próximo título e xa sabedes que tendes moito que dicir. Vémonos.

O pasado luns tivemos unha reunión do club de lectura. Pasamos un recreo moi entretido falando de distintas cousas... si..., tamén do noso libro de lectura deste trimestre!!! Houbo opinións para todos os gustos, pero cremos que, en xeral, o libro está gustando bastante. Pensade, pensade... Agardamos as vosas suxestións para escoller a obra de lectura da segunda avaliación. Aquí tedes unhas fotos da reunión. Vedes o diario de lectura do club?

Xa temos data para a próxima reunión do club de lectura. Será o  luns 20 de novembro no recreo . Queremos coñecer as vosas opìnións sobre a primeira parte da novela. Esperámoste na Biblioteca!!!

Esta semana o noso club de lectura, "Vixía das letras", tivo a súa primeira xuntanza. Comezamos as reunións deste ano con moita enerxía e aproveitamos para coñecernos un pouco máis. Eliximos tamén o libro de lectura para este trimestre: La lección de August , de R. J. Palacio. Recordade que na próxima reunión comentaremos a lectura e seleccionaremos as que valoredes como mellores frases do libro. Sinopse: «Todos deberiamos recibir unha ovación polo menos unha vez na nosa vida, porque todos vencemos ao mundo.» A faciana de Auggie faino distinto e el só quere ser un máis. Camiña sempre mirando ao chan, a cabeza baixa tratando en van de esconder o seu rostro, pero, aínda así, é obxecto de miradas furtivas, murmurios afogados e golpes de asombro. August sae pouco, a súa vida transcorre entre as acolledoras paredes da súa casa, entre a compañía da súa familia, a súa cadela Daisy e as incribles historias de "A guerra das Galaxias". Este ano todo vai trocar, porque es...

Club de lectura... comezamos!!! Esperámosvos o vindeiro luns 23 de outubro ás 11:00 na biblioteca. Aproveitaremos para presentar os novos integrantes do club e escolleremos a lectura deste trimestre. Queremos coñecer tamén as vosas suxestións e ideas para decidir os próximos libros do club. Ademais, temos preparado un diario de lectura que vos permitirá obter recompensas no uso da biblioteca segundo os libros que vaiades lendo. Apuntade a data nas vosas ocupadas axendas e non faltedes!