Biblioteca Rebolo

Como todas e todos sabemos, o día 5 de xuño celébrase o Día mundial do Medio Ambiente. Este foi o noso gran de area no IES Isidro Parga Pondal. Desde os departamentos  da Biblioteca, Filosofía e Bioloxía e Xeoloxía realizáronse traballos sobre a calidade do aire en Galicia e outras cidades europeas. Sen deixar de pensar nos plásticos, que son un gran problema para o medio ambiente, o alumnado realizou peixes con botellas de plástico reutilizadas para simbolizar o gran problema da entrada dos plásticos na cadea alimentaria. Tamén buscaron información da calidade da auga e as fontes de Carballo e fixemos un programa de radio para recordar o día a toda a comunidade educativa. Preme aquí para ver máis fotos

Sen contaminación por plástico O 5 de xuño celébrase o Día Internacional do Medio Ambiente , que este ano ten como lema "Sen contaminación por plástico". O departamento de Bioloxía e Xeoloxía do noso centro, en colaboración coa biblioteca Rebolo, participou nesta xornada cun concurso-exposición de fotografía. Os participantes deixáronnos fermosas imaxes da súa visita ao Monte Aloia, tema proposto para este certame. Aquí tedes un vídeo que recolle as obras dos participantes: E, como non, tamén podedes ver algunhas caras coñecidas: Este ano, a campaña proposta pretende concienciarnos da necesidade de reducir a produción e uso dos plásticos, que poñen en serio perigo a vida dos nosos mares e, en consecuencia, a nosa propia saúde! Como sabemos que estades interesados neste tema, propoñemos que busquedes información (as redes seguro que vos axudan) e fagades unha reflexión que vos axude a tomar conciencia e decisións para loitar contra este problema. Para comezar,...