Biblioteca Rebolo

A estas alturas da Semana das Letras Galegas, desde o equipo da Biblioteca e do EDLG estaríamos preparando diversas actividades e enchendo os corredores do instituto con carteis e traballos do noso alumnado. As especiais circunstancias deste ano fan que non o podamos facer presencialmente, pero esta situación de confinamento non vai impedir que celebremos a Semana das Letras Galegas, aínda que sexa desde a casa. A continuación achegamos uns enlaces para contribuír a divulgar a figura e a obra do filólogo, escritor e profesor Ricardo Carvalho Calero. A Secretaría Xeral de Política Lingüística fai públicos, a través do Portal da Lingua, os carteis e as guías premiadas no Concurso-Exposición das Letras Galegas 2020 dedicado a Ricardo Carvalho Calero. Xa se poden ver en:  https://www.lingua.gal/letras-galegas?content=/Portal-Lingua/Contido/recursos/letras-galegas/2020/contido_0007.html   Ademais destes materiais aparecen na sección do Día das Letras Galegas numerosas actua...

Hoxe fixemos entrega da nosa páxina web para o proxecto Wisibilízalas.    A participación neste proxecto achegounos grandes cousas: mellorar o noso traballo en equipo, aprender ferramentas para deseño web así como (o máis importante) dar a coñecer e promover as mulleres no ámbito STEM mediante información sobre mulleres, películas, libros, xogos e inventos realizados por elas nestes ámbitos científico-tecnolóxicos.    Espero que vos gustaran as nosas publicacións.    Deixámosvos a ligazón para que poidades ver o traballo realizado:  https://sites.google.com/view/wisi-ascachirulas       #wisibilízalas #wisibilizalas #wisibilizalas2020 #Wisibilízalas #itgirls #Wisibilizalas #pargapondal #ascachirulas #universitatpompeufabra

O alumnado do noso centro, o IES PARGA PONDAL de Carballo permitiranos coñecer as súas vivencias durante o período do confinamento escribindo uns textos cheos de emocións, experiencias, sentimentos, reflexións e sobre todo de grande responsabilidade fronte á pandemia que fai xurdir en todos nós momentos persoais de gran intensidade. Nesta sección temática poderedes empezar a percorrer o camiño que vos guiará na lectura e coa que probablemente moitos de vós vos sintades identificados. A gratitude non debe quedar nun mesmo, debemos expresala e por iso toda a Comunidade Educativa, quere agradecervos publicamente a vosa colaboración, o voso esforzo, a vosa bondade e sobre todo a gran responsabilidade que estades demostrando día a día. Aprendemos con vós e sen vós, o noso labor como docentes non tería ningún sentido. Parabéns e moitas grazas por compartir a vosa xenerosidade.  Moito ánimo. A selección de hoxe: Hoxe é 11 de abril, Sábado Santo. Mi...

Chega un ano máis o 17 de maio o Día das Letras Galegas! Aínda que por mor da pandemia da COVID-19 a celebración oficial desta data, que este ano homenaxea a Ricardo Carvhallo Calero, se vai trasladar ao 31 de outubro , queremos seguir celebrando na distancia este mes e esta data tan importante para a nosa cultura. Ricardo Carvhallo Calero foi un historiador da literatura, crítico literario, filólogo, lingüista e escritor galego nado en Ferrol en 1910 e finado en Santiago de Compostela en 1990. Foi membro do Seminario de Estudos Galegos e do Partido Galeguista , e o primeiro catedrático de Lingua e Literatura Galegas da Universidade de Santiago de Compostela. Tamén foi membro de honra da Associaçom Galega da Língua e é considerado o ideólogo do reintegracionismo lingüístico . A Real Academia da Lingua Galega ofrece a serie Unha palabra para Don Ricardo , no que cada día do mes das Letras Galegas diferentes persoas da cultura galega relacionadas con Ricardo Carvhallo ...

Desde a nosa biblioteca queremos recordarvos que hoxe é o “Día Internacional contra o Acoso Escolar”. Esta data ten como obxectivo concienciar sobre o risco do “bullying” entre a Comunidade Educativa a nivel mundial. Trátase de buscar os mecanismos para evitar este mal, que hoxe, converteuse nun grave perigo para a poboación infantil e xuvenil. Esta data foi establecida por asociacións de pais  e nais e diversas organizacións non gubernamentais para concienciar dos perigos que pode causar e os métodos para evitar a violencia nos centros escolares ademais de establecer un protocolo de actuación ante casos deste tipo. A causa represéntase cun lazo color púrpura

Moitísimos parabéns para o noso alumno Jesús Miguel Goimil Ares de 3° ESO A. Foi o gañador do I Concurso de microrrelatos #carballomola en Instagram, organizado pola Concellaría de Normalización Lingüística de Carballo

O periódico online "Que Pasa Na Costa" fala do traballo que está a facer o alumnado de 2º bacharelato participante no proxecto Wisibilízalas para empoderamiento da muller no ámbito STEM dentro dunha semana de iniciativas en mor da igualdade Podedes consultar o artigo na seguinte ligazón: https://www.quepasanacosta.gal/articulo/costa-da-morte/escolas-bergantinos-celebran-outra-semana-igualdade/20200312105143118377.html #Wisibilízalas #ascachirulas