Biblioteca Rebolo

      Co gallo do "Día Internacional para a eliminación das violencias machistas", no noso insti quixemos pór o noso graíño de area pedíndolle ao alumnado e profesorado a súa implicación. Aquí tendes o resultado da mesma. Por unha banda, velaí un fermosísimo mural, que preside a entrada do noso centro, realizado polo alumnado de 1ºESO coa colaboración da súa profesora de Educación Plática e Visual, Laura García. Por outra banda, no taboleiro da biblioteca e nos corredores e escaleiras, podemos atopar diferentes representacións gráficas sobre as violencias machistas feitas polo alumnado  do centro de distintos niveis. Non queremos rematar esta publicación, sen informarvos de que as actividades continuarán nos vindeiros días .... Estade moi atentos!!!!

Todos os galegos apreciamos esta data moito antes de que a celebración do Halloween, na súa versión americana, chegase ata nós. E é que aquí o Samaín forma parte da tradición máis arraigada e enxebre da nosa terra. O Samaín é o antecedente europeo do Halloween americano. Chegou aos Estados Unidos durante os séculos XVIII e XIX, debido aos numerosos emigrantes escoceses e irlandeses que marcharon a América, levando consigo a súa cultura e tradición. En gaélico, Samhain significa "fin do verán", como o celebraban os antigos celtas nesa época de transición do verán ao inverno. Esta celebración milenaria ten lugar todos os anos, durante a noite que vai do 31 de outubro ao 1 de novembro, nunha desas datas nas que se di que é máis fácil viaxar entre dous mundos: o dos vivos e o dos mortos. Na Biblioteca Rebolo celebramos o Samaín transformando a vosa biblioteca nun lugar que “dá medo” (só de xeito transitorio, eh!) e facendo unha escolma de libros “terroríficos”. (Ademais o alum...

 Desde o EDLG coa colaboración do Departamento de Artes Plásticas, de Lingua Galega e da Biblioteca convocamos por cuarto ano consecutivo o Concurso de postais de Nadal.  Gustaríanos que o alumnado do IES Parga Pondal demostrase as súas habilidades artísticas participando neste concurso. Podes consultar as bases na seguinte imaxe: Anímate e participa!

      Co gallo da conmemoracion do “ Día das Bibliotecas”,   o día   24 de outubro, a nosa biblioteca “ Rebolo”organizou un concurso no que tiñan que debuxar a portada do seu libro favoito.   Estes traballos expuxéronse no taboleiro do centro. Velaquí vos deixamos unha mostra deles.  

 O alumnado de 1º ESO asistiu á presentación da nosa biblioteca "Rebolo" para informarse do funcionamento da mesma, coñecer os seus servizos como usuarios/as e formarse como miniblibiotecarios/as que realizarán tarefas relacionadas coa dinamización da biblioteca. Velaí vos deixamos unha mostra da visita que realizaron.

 Nestes días contamos coa presenza de Tomás e Mariano (10D10) que impartiron aos nosos/as  alumnos/as un obradoiro de iniciación á Radio.  No mesmo aprenderon diferentes técnicas e ferramentas informáticas para fomentar o traballo e a creatividade  a través da nosa Radio Escolar "Rebolondas" Foron unhas xornadas moi divertidas e interesantes. Moitas grazas por participar connosco.

 Ao rematar este curso queremos agradecer cun pequeno agasallo ao noso alumnado axudante a súa colaboración e axuda nas diversas actividades desenvolvidas neste curso. Moitísimas grazas pola vosa participación!!! Contamos convosco para  seguir colaborando no vindeiro curso!

   Novamente temos que felicitar á nosa alumna Lola Collazo Couto de 4º ESO A por ter acadado o primeiro premio (CATEGORÍA A) no XVII Premio de Narración Curta do Concello de Curtis co seu relato “Atrapada polas patiñas do tempo (e das luras)”. Moitos parabéns, Lola, por outro premio literario máis! Animamos a todo o alumnado do noso centro que, como Lola, teña inquietudes literarias a participar nas próximas edicións. http://www.curtis.gal/index.php/es/noticias/4474-fallado-o-xvii-premio-de-narracion-curta-do-concello-de-curtis https://galego.laopinioncoruna.es/gran-coruna/2022/06/12/entrega-premios-certame-narracion-curta-67175913.html    

O día 5 de xuño celébrase o Día Mundial do Medio Ambiente. Este ano o lema é UNHA SOA TERRA. No noso centro conmemoramos esta data cunha exposición de traballos realizados polo alumnado de Bioloxía e Xeoloxía de 4º de ESO. O alumnado elaborou carteis, que están expostos na entrada do centro e gravaron vídeos nos que explican as investigacións levadas a cabo. Por outra banda, o alumnado de 1º ESO traballou ao longo do curso sobre biodiversidade elaborando guías de seres vivos. Nas vitrinas exponse unha pequena selección destes traballos. Desexamos con estas actividades, contribuír a formación de cidadáns máis repectuosos cos ecosistemas, para garantir que este fermoso e único planeta siga sendo un fogar confortable para a humanidade.    

      Este curso está a ser un pouco de tolos con todas as actividades así que este ano decidimos conmemorar este día cunha escolma de obras dalgúns dos  homenaxeados  no día das Letras Galegas, xunto cunha exposición da vida e obra do homenaxeado este ano 2022 : Florencio Delgado Gurriarán. Esperamos que a  disfrutedes, xa que aínda a podedes atopar na entrada do noso instituto.          Deixámosvos aquí un vídeo sobre a obra e vida deste insigne autor das nosas letras: