Biblioteca Rebolo

 O 23 de abril celebramos o Día Internacional do Libro. Con motivo desta celebración, e aproveitando o gusto pola lectura e o fomento da mesma entre o noso equipo docente e PAS, decidimos desde a Biblioteca Rebolo e o Equipo de Dinamización da Lingua Galega realizar un/ha amigo/a invisible e agasallármonos cun libro!  Aquí vos deixamos unha mostra da ilusión coa que os recibimos! 

 Para conmemorar o 23 de abril, Día Internacional do Libro, o noso alumnado botou man da imaxinación e creatividade. A través de dúas propostas. Dunha banda, o noso alumnado de 1º e 2º da ESO, a proposta do equipo da Biblioteca Rebolo e do Equipo de Dinamización da Lingua traballou nas sesesión de titoría con diferentes propostas de poemas e fixeron a súa interpretación persoal a través dun debuxo!       Ademais, con motivo dun concurso de lapbooks, deixáronnos unhas propostas ben creativas e orixinais dos seus libros favoritos. Aquí vos deixamos unha mostra!!!!!

Dende o EDLG, a Biblioteca e o Departamento de Galego xa estamos pensando nas próximas celebracións. Así que aí vai un concurso de lapbooks para conmemorar o vindeiro Día do Libro. Animádevos a participar! Esperamos os vosos lapbooks! Bases do concurso:

Desde a Biblioteca Rebolo, en colaboración co Equipo de Dinamización da Lingua Galega, promovemos a lectura inclusiva, polo que formamos un Club de lectura con alumnado de diferentes grupos, niveis e intereses, e con propostas diversificadas para eles. Aquí unha mostra do libro que desfrutou o noso alumnado de PDC, 22 segundo , de Eva Mejuto. A través da súa lectura dramatizada, o alumnado asistiu ao relato, en primeira persoa, do proceso vivido por un rapaz que non sabía o que estaba acontecendo coa súa propia identidade sexual. Recomendámosvos esta lectura, tanto para traballar coa cativada como para deleite persoal!!!

O noso compañeiro Xurxo Souto, cunha grande actividade sociocultural e literaria como nos informaron as súas alumnas de latín de 2º de bacharelato, ofreceu unha charla ao noso alumnado de 1º e 2º de bacharelato onde lles amosou a relación da poesía e da música na literatura galega. Así tamén, explicoulles a importancia de Luísa Villalta (homenaxeada estea ano no Día das Letras Galegas) na nosa literatura e a súa relación coa música. Acabamos esta a charla cunha mostra do que é a literatura bravú, subxénero literario do que é un dos grandes representantes. Na nosa biblioteca dispoñemos da súa obra, e animámosvos a todos e todas a que a leades!!! Moitas grazas ao Equipo de Dinamización da Lingua Galega, ao Departamento de galego e ao equipo da Biblioteca pola súa colaboración, e sobre todo ás súas alumnas de latín que nos amosaron as a relación de Xurxo coa escrita, coa música e co audiovisual galego!!!

 O 7 de abril celébrase o Día Mundial da Saúde, por iso hoxe está no noso centro Julieta Rey Garrido, dietista e farmacéutica, para falarlle ao noso alumnado de 4° da ESO sobre as bases da alimentación saudable e, ao mesmo tempo, desmontar algúns mitos alimentarios. Moitas grazas ao Departamento de Educación Física pola súa colaboración co equipo da Biblioteca!

 As mulleres deportistas levan moito tempo loitando pola súa visibilidade e pola non discriminación. Posto que o número de alumnas deportistas do noso centro é amplo, e os deportes que practican variados, quixemos contar co seu testemuño. Así pois, alumnas de 3º e 4º da ESO falárolle ao noso alumnado de 1º da ESO sobre o deporte que practican, as súas condicións de adestramento e sobre as diferenzas entre os equipos e os partidos masculinos e femininos.     Moitas grazas ao Departamento de Educación Física pola súa activa colaboración co equipo de Biblioteca na organización desta charla para conmemorar o Día Internacional da Muller, centrado neste caso na muller deportista!

Para conmemorar o Día internacional da Muller (8 de marzo), pero sen esquecer a violencia machista que esta sofre (lembramos que o Día Internacional da Eliminación da Violencia contra a Muller é o 25 de novembro), o 18 de marzo estivo no noso centro Noelia Míguez para falarnos sobre a violencia de xénero, os diferentes tipos e mostrarnos casos reais, partindo da súa experiencia persoal.  Noelia explicoulles ao noso alumnado de 1º e 2º de Bacharelato, desde a primeira persoa, o que vive e sofre unha vítima de violencia de xénero. E presentounos o seu libro, Ocho señales. Cuestión de vida o muerte , onde relata, desde esa vivencia persoal, o maltrato sufrido e o seu proceso físico e psicolóxico ao longo dese tempo. Na Biblioteca Rebolo temos algúns exemplares que se poden coller para ler e que vos recomendamos!!                            

  No Día Internacional da Muller Traballadora o alumnado de 2º ESO quixo homenaxear as “mulleres traballadoras das súas vidas”. Avoas, nais, amigas … , mulleres loitadoras que fixeron fronte a unha vida dura, que nos apoian e apoiaron sempre cun amor incondicional, mulleres que traballan na casa e fóra, mulleres que deixan unha pegada imborrable nas nosas vidas. O noso recoñecemento ás “brillantes activistas da vida cotiá” porque dende sempre as mulleres foron, son e serán un piar fundamental da nosa sociedade. Podedes ver algúns dos seus traballos clicando no seguinte enlace: https://www.edu.xunta.gal/centros/iesisidropargapondal/node/1199

Aquí vos deixamos o símbolo que hoxe nos une a todas para que lle peguedes a frase ou lema que queirades compartir con toda a comunidade educativa!!!! Ademais, na entrada podedes ver os traballos que o noso alumnado de 2º da ESO realizou sobre a muller traballadora da súa vida!!! Esperamos que desfrutedes con eles  porque son moi interesantes!!!!