Biblioteca Rebolo

Deixámosvos o podcast confeccionado a partires dos audios da lectura dos fragmentos da obra de Neira Vilas. Nesta gravación tivemos a colaboración especial do profesor Carlos Turnes Rieiro e participaron con moita ilusión os/as alumnos/-as de 1º ESO: Valeria Domínguez Costa Xabier Doldán Suárez Sara Barbeira Fraga Hugo Almeida Cousillas Noa García Felípez Victoria Isabella Fernández González Tamén deixámosvos algunhas imaxes da gravación na radio.  

No Calendario do libro e da lectura de Galicia, o 3 de novembro celebrouse por primeira vez o Dia do Lector/a coincidindo co nacemento do escritor Xosé Neira Vilas en 1928 en Gres, Vilacruces (Pontevedra). Na Biblioteca Rebolo quixemos conmemorar esta data cunha lectura colectiva do seu libro máis coñecido: Memorias dun neno labrego (1961). Deixámosvos aquí algunhas imaxes da lectura na Biblioteca e tamén uns audios gravados na nosa radio escolar, Rebolondas. Nesta gravación tivemos a colaboración especial do profesor Carlos Turnes Rieiro e participaron con moita ilusión os/as alumnos/-as de 1º ESO: Valeria Domínguez Costa Xabier Doldán Suárez Sara Barbeira Fraga Hugo Almeida Cousillas Noa García Felípez Victoria Isabella Fernández González Esperamos que vos guste e que vos animedes a ler esta fermosa novela de Xosé Neira Vilas que xa ten engaiolado a miles de lectores.    

O 31 de outubro celebramos o Samaín na vosa Biblioteca Rebolo! Para elo, transformamos a biblioteca nun sitio terrorífico e fixemos unha escolma de libros aterradores para o voso horripilante disfrute. Aquí tedes algunas espantosas fotografías!!!    

A semana pasada as gañadoras da mellor ilustración polo Día das Bibliotecas recibiron os seus premios. Estas artistas estupendas son: Sara Fernández Suárez (1º ESO A) e Uxía González Vázquez (1º ESO B) Esperamos que os disfruten moito!    

Como xa sabedes o día 24 de outubro foi o Día das Bibliotecas. No IES Parga Pondal celebrámolo con diferentes actividades: Fixemos unha exposición cos marabillosos traballos de portadas de libros favoritos do alumnado de 1º da ESO. Reinauguramos o noso querido e exitoso “punto de libros”, coñecido como Punto de intercambio, onde podedes levar os libros e revistas que máis vos gusten. E fixemos unha pequena escolma para a expo de Banda deseñada e da revista Laukatu (especializada en manga e cómics). Deixámovos aquí cunha pequena mostra de todas estas actividades!    

Ola reboleiros e reboleiras! Cun pouquiño de retraso publicamos as fotos da presentación da vosa biblioteca! Como todos os anos prepandémicos o novo alumnado do centro ten por diante a gran aventura de descubrir a nosa Biblio Rebolo. Nestas fotos podedes ver a presentación que fai o equipo da biblio para que o novo alumnado coñeza todo o mundo maravilloso que se esconde na Rebolo. Botádelle un ollo!  

Desde o EDLG coa colaboración do Departamento de Artes Plásticas, de Língua Galega e da Biblioteca convocamos por terceiro ano consecutivo o Concurso de postais de Nadal. Gustaríanos que o alumnado do IES Parga Pondal demostrase as súas habilidades artísticas participando neste concurso. As bases son as seguintes: FORMATO: O tamaño máximo da postal será A5 ou de medio folio. MATERIAL: Cartolina ou folio. MOTIVO TEMÁTICO: Paisaxe invernal galega. TÉCNICA: A técnica será libre, pero non se poderán utilizar deseños por ordenador nin con texturas (algodón, purpurina ...). CON TEXTO EN LINGUA GALEGA: Desexos de Nadal, panxoliña, poema, un lema ... DATOS: Nome, apelidos e Grupo na parte posterior da postal. ENTREGA E DATA LÍMITE: As postais serán entregadas aos profesores ou de Artes Plásticas, de Galego ou na Biblioteca ata o venres, 10 de decembro. PREMIOS: O xurado concederá 3 premios ás postais orixinais e inéditas coa mellor decoración...

 En gaélico, Samhain significa "fin do verán", como o celebraban os antigos celtas nesa época de transición do verán ao inverno. Esta celebración milenaria ten lugar todos os anos, durante a noite que vai do 31 de outubro ao 1 de novembro, nunha desas datas nas que se di que é máis fácil viaxar entre dous mundos: o dos vivos e o dos mortos.    O Samaín é o antecedente europeo do Halloween americano. Chegou aos Estados Unidos durante os séculos XVIII e XIX, debido aos numerosos emigrantes escoceses e irlandeses que marcharon a América, levando consigo a súa cultura e tradición.  Todos os galegos apreciamos esta data moito antes de que a celebración do Halloween, na súa versión americana, chegase ata nós.  E é que aquí o Samaín forma parte da tradición máis arraigada e enxebre da nosa terra. Para celebrar este día o noso alumnado elaborou poemas, adiviñas e refráns cos que decoramos o taboleiro. Aquí vos deixamos algunhas imaxes.