Biblioteca Rebolo

Mirade que bonita ficou a nosa biblio Rebolo para facer o curso de Resolución de conflictos na aula! Este curso foi impartido polo profesor Juan Vaello e realizouse de forma presencial e online. Non dubidedes en pasarvos pola vosa súper biblio para facervos con algún exemplar dos libros de este especialista en ensino!    

Desde o EDLG, o Departamento de Galego e a Biblioteca convocamos por segundo ano consecutivo o Concurso de cantigas de Entroido. Gustaríanos que o alumnado do IES Parga Pondal demostrase a súa creatividade e enxeño escribindo cantigas relacionadas co Entroido e coplas satíricas sobre personaxes e temas actuais. Anímate e participa!  

Dende o EDLG, a Biblioteca e o Departamento de Galego xa estamos pensando nas próximas celebracións. Así que aí vai un concurso de cartas de amor para festexar a Candeloria ( o día no que casan os paxariños) e o Día dos namorados. Animádevos a participar! Esperamos as vosas cartas!    

Xa temos o alumnado premiado no Concurso de postais de Nadal 2021 convocado polo EDLG en colaboración coa Biblioteca e cos Departamentos de Artes Plásticas e de Lingua Galega. 1º premio: REBECA GÓMEZ CUNS. 1º BACHARELATO B.  2º premio: UXÍA MARROZOS LOUREIRO. 3º ESO B.  3º premio: SARAY GENDE COLLAZO. 1º ESO E. Parabéns ás tres gañadoras e graciñas a todo o alumnado que participou!   

O xoves, 09 de decembro, o alumnado de 3º da ESO do noso centro asistiu a un encontro literario coa escritora Antía Yáñez. Tras unha breve presentación, feita polas alumnas Judith Añón Carracedo e Ánxela Palomero Agra, a escritora falounos da temática da novela Senlleiras e do proceso da súa escrita. Finalmente contestou ás preguntas que os alumnos e alumnas lle fixeron e asinou e adicou os seus libros. Agradecemos a xestión da profesora Beatriz Corral para que esta actividade fose financiada pola Secretaría Xeral de Política Lingüística a través dos Equipos de Dinamización da Lingua Galega e do Fondo de proxectos Xacobeo 21-22.  Deixámosvos algunhas imaxes deste encontro con Antía Yáñez e esperamos que vos animedes a ler calquera dos seus libros.      

Ola, Reboleiros e Reboleiras! Como sabedes, o xoves 25 de novembro é o Día contra a violencia machista. Desde a Biblio Rebolo solicitamos axuda aos titores e aos compañeiros de Educación Plástica e Visual para encher o noso centro con carteis de denuncia ante esta gran lacra social. Nesta primeira entrada tedes unha pequena escolma realizada polo alumnado de 4 ESO feita na súa asignatura de EPV impartida por Juan Carlos Linares. Temos verdadeiros artistas neste centro!     A continuación tedes máis traballos realizados polo alumnado do noso IES para concienciar sobre a importancia da loita contra as violencias machistas. Como podedes ver, as primeiras fotos son sobre letras de cancións e son traballos feitos polo alumnado de Valores Éticos.    

Deixámosvos o podcast confeccionado a partires dos audios da lectura dos fragmentos da obra de Neira Vilas. Nesta gravación tivemos a colaboración especial do profesor Carlos Turnes Rieiro e participaron con moita ilusión os/as alumnos/-as de 1º ESO: Valeria Domínguez Costa Xabier Doldán Suárez Sara Barbeira Fraga Hugo Almeida Cousillas Noa García Felípez Victoria Isabella Fernández González Tamén deixámosvos algunhas imaxes da gravación na radio.  

No Calendario do libro e da lectura de Galicia, o 3 de novembro celebrouse por primeira vez o Dia do Lector/a coincidindo co nacemento do escritor Xosé Neira Vilas en 1928 en Gres, Vilacruces (Pontevedra). Na Biblioteca Rebolo quixemos conmemorar esta data cunha lectura colectiva do seu libro máis coñecido: Memorias dun neno labrego (1961). Deixámosvos aquí algunhas imaxes da lectura na Biblioteca e tamén uns audios gravados na nosa radio escolar, Rebolondas. Nesta gravación tivemos a colaboración especial do profesor Carlos Turnes Rieiro e participaron con moita ilusión os/as alumnos/-as de 1º ESO: Valeria Domínguez Costa Xabier Doldán Suárez Sara Barbeira Fraga Hugo Almeida Cousillas Noa García Felípez Victoria Isabella Fernández González Esperamos que vos guste e que vos animedes a ler esta fermosa novela de Xosé Neira Vilas que xa ten engaiolado a miles de lectores.