Biblioteca Rebolo

A formación de novos e novas usuarias da biblioteca cremos que é fundamental, por iso, coma todos os anos, esta semana fixemos xornadas de formación de novos usuarios co novo alumnado de 1º da ESO. Esperamos que pronto se convertan en usuarios activos e que algún deles pase a formar parte tamén do noso equipo de alumnado de axudantes!!!     

As recomendacións lectoras tamén se poden facer de maneira atractiva. Así nolo mostrou o noso alumando, que tras un traballo de pescuda e le lectura concienzuda, elaborou diferentes traballos para recomendarnos libros en lingua galega con información sobre presonaxes, argumento, espazo, tempo. Este foi un concurso que xa levamos un ano organizando desde o equipo de Dinamización da Lingua Galega e a Biblioteca Rebolo. Para iso o alumnado ten que pasar pola biblioteca para coller un libro baixo a recomendación do equipo de biblioteca. Logo realiza a lectura e fai un traballo tamén de investigación guiado de busca informacional para finalmente facer unha recomendación creativa, da que vos deixamos aquí a mostra. E aquí as gañadoras, as máis creativas!!!    

O 5 de maio celebrouse no IES Pedra da Aguia da Ponte do Porto (Camariñas) a I Liga Escolar de Regueifa. Tras o Obradoiro de Regueifas que tivo lugar no noso centro en novembro co noso alumando de 2º da ESO, dúas das nosas alumnas quixeron participar neste encontro. Acompañadas polo profesor Xurxo Souto, representaron ao noso centro nunha actividade lúdica na que practicaron a improvisación, xogos de desafío e mesmo un mini-obradoiro de baile tradicional.  Esperamos repetir!! https://www.youtube.com/watch?v=SjcBMq97ZhM https://www.lavozdegalicia.es/noticia/carballo/2025/05/06/span-langgl-liga-da-regueifa-chega-aos-institutos-da-costa-da-mortespan/0003_202505C6C6992.htm

 Despois de aprender, da man de Ana Herranz Rodríguez, un pouquiiiiño de linguaxe de signos, estamos preparándonos para engadirllo á canción Fronteiras de Guadi Galego. En breve deixarémosvos o resultado final!!!

 Desde a biblioteca Rebolo agrademos sempre as iniciativas dos diferentes departamentos para fomentar a busca de información desde este espazo, por iso nos alegra calquera proposta na que poidamos axudar a usar o noso catálogo e as diferentes ferramentas que temos a disposición de alumnado e profesorado. Neste caso contamos coa proposta do Departamento de Bioloxía e o de Física e Química que baixou o seu alumnado de 4º ESO e 2º ESO respectivamente para traballar cos volumes que dispoñemos para estas materias, así como cos ordenadores que puxemos á súa disposición para buscar información sobre mulleres científicas. Cremos que fomentar a formación informacional é tarefa de todos e todas, por iso desde o equipo de biblioteca estamos sempre dispostos/as a botar unha man se así nolo solicitan! Aquí vos deixamos mostra dos resultados!

 O 23 de abril celebramos o Día Internacional do Libro. Con motivo desta celebración, e aproveitando o gusto pola lectura e o fomento da mesma entre o noso equipo docente e PAS, decidimos desde a Biblioteca Rebolo e o Equipo de Dinamización da Lingua Galega realizar un/ha amigo/a invisible e agasallármonos cun libro!  Aquí vos deixamos unha mostra da ilusión coa que os recibimos! 

  O noso instituto, xunto con outros centros educativos de secundaria, bacharelato e FP da  Costa da Morte,   vai participar nunha   campaña  conxunta a prol do noso idioma:    Falemos + galego . A base de todo: o  orgullo  de ser da Costa da Morte, galegofalante. Como fins, remover conciencias e xerar estímulos para o maior emprego desta lingua. Consta a campaña de dúas fases: Na  primeira  haberá  dous concursos  (individual ou en equipo) no noso centro que teñen como premio  50 euros  cada un: Creación dun lema e un logo  a prol de usar o galego, que poida usarse en diferentes soportes materiais: cabeceiras de documentos, camisetas, cuncas... Elaboración dun vídeo, de duración non superior a 60 segundos.   Na  segunda , os gañadores representarán ao noso instituto no concurso intercentros que terá como premio  150 euros  para cada categoría. A entrega destes premios intercentros f...

Co gallo de conmemorar o Día Internacional da Muller e da Nena na ciencia, o noso alumnado de 2º da ESO realizou dous traballos que non só axudaron a homenaxear todas estas mulleres neste día especial, senón tamén a fomentar a busca de información de calidade e o espírito crítico dos nosos alumnos e alumnas, a lectura comprensiva e a expresión escrita. Unha das tarefas consistiu na busca de información sobre alquelas científicas que deixaron unha pegada na historia, dirixido desde o departamento de Física e Química.   Por outra banda, non quixemos esquecer que aínda que non estean recoñecidas oficialmente ou institucionalmente, son moitas as mulleres que temos ao carón, ás  que admiramos por diferenes razóns. A estas, o noso alumnado, dirixido desde o departamento de Lingua Galega e Literatura, rendeoulles homenaxe!     Moitas grazas ao departamento de Física e Química e Lingua Galega polo seu traballo!!      

  Dende o EDLG, a Biblioteca e o Departamento de Galego organizamos un concurso literario para conmemorar o vindeiro Día das Letras Galegas. Neste concurso literario o alumnado do IES Parga Pondal poderá demostrar a súa capacidade para redactar en lingua galega e exercitar a súa imaxinación para crear historias. Animádevos a participar! Consultar biografía aquí:  https://academia.gal/letras-galegas/2025/cantareiras/presentacion

Desde o EDLG, o Departamento de Galego e a Biblioteca convocamos por quinto ano consecutivo o Concurso de cantigas de Entroido. Gústanos que o alumnado do IES Parga Pondal demostrase a súa creatividade e enxeño escribindo cantigas relacionadas co Entroido e coplas satíricas sobre personaxes e temas actuais. Estes e estas foron as gañadoras: Podedes consultar os textos das cantigas no seguinte enlace: https://www.edu.xunta.gal/centros/iesisidropargapondal/node?page=3

 No noso centro hai moito alumnado que practica diferentes deportes: voleibol, ximnasia artísitca, socorrismo, fútbol... Por segundo ano consecutivo desde a biblioteca e en colaboración co departamento de Educación Física queremos poñer en valor sobre todo as nosas alumnas deportistas. Guiadas pola Profesora Cristina de Educación Física e integrante do equipo de biblioteca, as nosas alumnas fixeron unha presentación ao alumnado de 1º ESO do deporte que practican e tamén nos falaron das dificultades que atopan, das diferenzas entre ese deporte no ámbito masculino e no feminino, etc. O alumnado puido desfrutar dunhas xornadas informativas e tamén preguntar todas as cuestións que lle foron xurdindo, así como coñecer deportes que non lles eran familiares e compañeiras moi talentosas.  Moitas grazas a todas e esperamos que teñen moito éxito!!

  Hoxe xunto con parte do alumnado de 4º da ESO e 1º de Bacharelato puidemos desfrutar dunha ruta por Carballo onde un experto en toponimia afincado en Carballo, Fernando Cabeza Quiles, nos levou por diferentes lugares para explicarnos de onde veñen eses nomes que forman parte do noso día a día, pero dos que descoñeciamos a súa orixe.  Así, puidemos saber o porqué do nome da tan coñecida e frecuentada Rúa da Estrela, por que lle chamamos agora rúa Fleming á que antes se denominaba Rúa do lagarto, de onde vén o nome do Polvorín ou do Chorís... Foi un pracer facer este roteiro de microtoponimia e esperamos poder volver a desfrutalo co alumnado que non puido acudir neste día!!    

As mulleres da nosa vida son moi importantes todo o ano, pero tamén é importate demostrárllelo. Así, no  Día Internacional da Muller Traballadora o alumnado de 2º e 4º da ESO A quixo homenaxear as “mulleres traballadoras das súas vidas”. Avoas, nais, amigas …, mulleres loitadoras que fixeron fronte a unha vida dura, que nos apoian e apoiaron sempre cun amor incondicional, mulleres que traballan na casa e fóra, mulleres que deixan unha pegada imborrable nas nosas vidas. O noso recoñecemento ás “brillantes activistas da vida cotiá” porque dende sempre as mulleres foron, son e serán un piar fundamental da nosa sociedade. Podedes ver algúns dos seus traballos no taboleiro da entrada ou clicando en: https://www.calameo.com/read/0078964690754148d9491

Dende a biblioteca Rebolo e o EDLG cremos que a convivencia e as relacións sans son fundamentais, por iso un ano máis queremos que o noso alumando nos deleite a través dun concurso cuxo obxecitvo é fomentar a escrita respectuosa, pero ao mesmo tempo orixinal, desde o amor, en lingua galega coas súas letras.  Aquí vos deixamnos unha mostra: E estes foron os e as gañadoras!! Noraboa!

 Rosalía sempre ten un lugar especial na nosa biblioteca, pero é importante sacala tamén do interior das tapas dos libros, por iso, o alumando de 2º da ESO escolleu e deseñou algúns dos seus poemas para mostrarllos a toda a comunidade educativa.

 Desde o noso centro, e desde a biblioteca Rebolo, sabemos que o teatro non é só un momento de desconexión e entretemento, senón que axuda a reflexionar e poñer enriba da mesa cuestións vitais e tamén nos axuda a coñecer parte do mundo que nos rodea. Por esta razón acudimos co alumnado de 4º ESO e 1º BACH a ver a proposta da compañía teatral Amorodio Teatro, A Nai . Con ela coñecemos as irmás Lola, Julia e Amparo Touza e as súas fazañas como salvadoras dunha cantidade estimada de 500 persoas durante o Holocausto, e isto serviunos para coñecermos parte da nosa historia que nos levou a reflexionarmos sobre o futuro dunha sociedade mellor a través da acción individual.

 Un ano máis, desde a biblioteca Rebolo queremos seguir colaborando cos diferentes departamentos para poñer en valor as diferentes facetas do noso alumnado. O ano pasado comezamos cun concurso de crêpes, que axudou a que o alumando coñecese parte da cultura culinaria francesa, ampliase o vocabulario e demostrase a todo o centro que tamén sabe cociñar. Este ano seguimos coa iniciativa, pero ampliando a proposta con pancakes. Para isto contamos coa colaboración das profesoras de francés e inglés que impulsaron esta actividade entre o seu alumando de 2º ESO. Aquí vos deixamos unha mostra da difícil tarefa que tivo o noso xurado, e da que deron boa conta logo os alumnos e alumnas que se achegaron no recreo á biblioteca!

 Este ano o Día das Letras Galegas está dedicado ás cantareiras e á poesía oral popular, e aínda que centra a súa homenaxe nas Pandeireteiras de Mens, sabemos que é un campo moito máis amplo. En Carballo temos unha boa mostra disto, por iso o concello decidiu realizar unha proposta de actividade de recollida de cánteghas  para logo pasar a un arquivo municipal.  O noso centro quixo formar parte desta iniciativa e tivemos connosco a dúas persoas coñecedoras do tema que nos viñeron informar sobre a actividade: Hadrián García e Ramón Varela. Despois desta información sobre que é unha cántegha  e a mostra dalgunhas das cantereiras do noso concello, deixámoslle a proposta ao noso alumando, actividade que realizaron voluntariamente e da que puidemos recoller máis de 10 mostras máis que serán engadidas a este arquivo municipal. https://www.facebook.com/reel/962223996001520

No mes de novembro o alumnado de 2º ESO puido converterse por unhas horas en regueifeiro. Josinho da Teixeira e Lupe Blanco foron os encargados e mostrarlle ao noso alumnado o divertido que pode chegar a ser a construción dunha copla desde a improvisación e cuns mínimos coñecementos.  https://youtu.be/vFL5CSdSQjA Estes obradoiros, organizados desde o equipo de Dinamizaición da Lingua e a Biblioteca Rebolo tiveron a colaboración do Servizo de Normalización Lingüística do Concello de Carballo e forman parte do Proxecto Enreguéifate   https://enregueifate.gal/oproxecto/  co que se procura impulsar a improvisación oral en verso e contribuír a través dela á promoción da lingua galega.